السنة التحضيرية في البترجي

السلام عليكم ورحمة الله وبركاته

طبعا الموضوع باين من العنوان حاتكلم عن كل شي يخص كلية البترجي الطبية في جدة من السنة تحضيرية الى السنة الي انا فيها دحين 

انا حبيت افيدكم بالمدونة دي لاني لمن كنت في سنكم كنت اتمنى الاقي احد يساعدني او استشيروا في اي شي يساعدني في دراسة  دحين ويارب اقدر اعطيكم كل شي من الى

طيب نبدا اعرف عن نفسي حبتين : انا طالبة في كلية البترجي سنة تانية طب او نقول لها M2 

طيب نبدا نعرف عن كلية البترجي الطبية لانوا في الاونة الاخيرة جو كتير يشككوا البعض انوا مافي اعتماد للجامعة ومن الكلام دا فحابدا اعرف عن الجامعة وعدد الدفعات الي اتخرج من اول ما فتحت الى يومكم دا 2014

تأسست كلية البترجي للعلوم الطبية والتكنولوجيا BMC في عام 2005 واستقبلت أول دفعة من الطلاب في سبتمبر من عام 2006 وهي تعد أول جامعة تخصصية أهليه شاملة للعلوم الطبية بالمملكة العربية السعودية، بل وتعتبر من أحدث وأكبر الجامعات الأهلية للعلوم الطبية في منطقة الشرق الأوسط. أسست كلية البترجي للعلوم الطبية والتكنولوجيا من قبل شركة كلية بيت البترجي الطبية للعلوم الطبية والتكنولوجيا، حيث تضم كليات طبية قادؤة على استيعاب 4000 طالب وطالبة.

http://www.bmc.edu.sa/index.php/ar

نجي لاعتمادات الجامعة 

1- يسر كلية البترجي الطبية أن تعلن عن إدراجها ضمن لائحة FAIMER-IMED . FAIMER عبارة عن الأساس العلمي لنهوض التعليم الطبي الدولي والبحث، IMED هي الذراع المساعدة لها، تعمل FAIMER على توفير قائمة رسمية للمؤسسات التعليمية الطبية المرخصة من قبل الوكالات الحكومية الملائمة للدولة. ففي 18 أغسطس 2010 أدرجت وزارة التعليم العالي في المملكة العربية السعودية و الأستاذ وليد الدالي المحترم المدير العالم للتعليم العالي الخاص رسمياً كلية البترجي الطبية ضمن لائحة المؤسسات التعليمية في FAIMER بتوصية من مجلس الترخيص الوطني، وقد أضيفت إلى قاعدة بيانات ال IMED وكان ذلك بتاريخ 15 سبتمبر 2010.

2- Avicenna Directory

3-The Batterjee Medical College is accredited by the Saudi Ministry of Higher Education. The College was first accredited by the National Commission for Academic Accreditation & Assessment (NCAAA) authority in H1427/1428 AH.

العمادة حق الكلية 

نتكلم شوية عن شطر البنات ,شطر البنات عندنا عميدة زي العسل اسمها دكتورة هوازن يعني عندكم اي مشكلة ورجعتوا للدكاترة حقونكم ومافي اي تجاوب تروحولها قلبها مرة مرة كبير وتحطكم في عيونها الله يسعدها 

وبالنسبة لشباب عندكم دكتور حسن شيبة عميد الكلية 

طيب دحين نتكلم عن التسجيل يعني اول مانجي نقرر انوا  نبغى ندرس في المجالات الطبية ايش الاشياء الي لازم اسويها عشان التحق في كلية البترجي الطبية لازم تكون موجودة .

في طريقتين لازم تسويها عشان تلتحق بأي كلية طبية

1- يكون معدلك ٩٠ او ٨٠ 

وطبعا على حسب ودحين حنقول ايش اقصد بحسب دي 

2-قدرات وتحصيلي تكون ٦٥ او فوق والافضل انوا فوق طبعا 

3-رسوم التسجيل وهيا ٣٥٠٠ ريال غير مستردة القيمة عشان ينفتح لك ملف الكلية 

4- صورة طبق الاصل من الشهادة الثنوية

5-وشهادة حسن سيرة وسلوك ان وجدت 

وحيطلبوا منكم تعملوا تحاليل طبية كاي كلية في الحياة وهما يعطوكم ورقة فيها كل المتطلبات وماعليكم الى انكم تسوها  

دي تقريبا اهم الاشياء غير طبعا انوا لازم صور شخصية

بعدها ماتكملوا كل شي حيقولولكم انوا خلاص حيتصلوا عليكم في حال كانت الموافقة عليكم ويخلوكم تسوا مقابلة شخصية مبسطة 

كل الطلاب والطالبات دائما يسالوا يقولوا ايش يقولوا في المقابلة وليش هيا غالبا حسب مااستنتجت عن اتقانكم للغة الانجليزية ويعرفوا مستواكم عشان يحطوكم في اي مستوى وثانيا يشوفوا قدرتكم الذهنية وليش تبغوا تدخلوا المجال الطبي .

طيب ارجع معليش على كلمة على حسب على حسب دي قلتها لانوا عندكم طريقتين اما تدخلوا عن طريق المنح او عن طريق الدفع الخاص 

المنح عندنا نوعين اما موارد بشرية او منحة وزارة التعليم العالي ( وكلهم لهم شروط معينة ولهم تخصصات معينة )

طبعا حتقولوا انتي ماتكلمتي عن التخصصات دحين حاجي  واذكر التخصصات بس اولا حاعطيكم متطلبات المنح سواء التعليم او الموارد .

 منحة وزارة التعليم العالي:   في رابط دا حتلاقوا كل شي تبغوا تعرفوا عن برنامج منح الوزارة https://grants.mohe.gov.sa/faqs.aspx#4  

موارد بشرية:في رابط دا حتلاقوا كل شي تبغوا تعرفوا   http://www.hrdf.org.sa/index.php?option=com_content&view=article&id=98&Itemid=130

نجي على التخصصات الصحية في الكلية بعدد السنوات وبعدها نقوم بتفصيل كل شي 

منح الكلية درجة البكالوريوس في التخصصات التالية

الطب البشري مدة البرنامج 7 سنوات (شاملة السنة التحضيرية)
طب الأسنان تمام السنة التحضيرية بنجاح ووفقا لمعدل الطلاب والطالبات في هذه السنة. تتبع السنة التحضيرية خمس سنوات تشمل التدريب النظري والعملي والسريري بلإضافة إلى سنة الإمتياز (التدريب العملي).
العلاج الطبيعي تبدأ الدراسه فى البرنامج بسنه تأسيسيه يدرس فيها الطالب مواد منتقاه لتساعده فى دراسته المستقبليه فى مختلف العلوم الطبيه . وبعد إجتياز السنه التأسيسيه بنجاح يدرس الطالب أربع سنوات شامله سنه الإمتياز .
الادارة الصحية مدة البرنامج (4) سنوات وتقسم كل سنة إلى فصلين دراسيين. يتبع البرنامج نظام الساعات المعتمدة وتبلغ ما هو مجموعه ( 142) ساعة موزعة على 46 مادة وتشمل تلك الساعات (7) مراحل للغة الإنجليزية موزعة على سنوات الدراسة، مادة الأخلاقيات الإسلامية ومادة اللغة العربية. لغة التدريس المستخدمة هي اللغة الإنجليزية.  
التمريض مدة البرنامج (4) سنوات بالإضافة إلى (1) سنة التدريب العملي. تعد السنة الأولى بمثابة تأسيس أكاديمي لبرنامج التمريض

كلية الصيدلة:بدأ الطالب الدراسة فى برنامج الصيدلة بعد إجتياز السنة التأسيسية ومن ثم يدخل الطالب فى مرحلة دراسة العلوم الأساسيه الصيدلانية لمدة سنتين و بعد ذلك و بناء على رغبته يتم توجيهه إلى برنامج بكالوريوس صيدلة لمدة سنتين شاملة التدريب الصيدلى الميدانى أو برنامج دكتور صيدلى لمدة ثلا ثة سنوات شاملة سنة الإمتياز .

اوقات الدوام حتكون من ٨ ونص تبدا الكلاسات لين الساعة ٣ الظهر وبالنسبة لسنة التحضيرية اول يوم يكون تعريف واول اسبوع غالبا مايكون دراسة لهم عبال ماتتزبط الجداول وكذا 

نجي نتكلم عن موضوعنا الاساس السنة التحضيرية او FAST 

اولا الفصول تتقسم لعدة شعب زي ماقلنا حسب المستوى اللغوي يعني في الانجليزي انت اي مستوى 

طيب نتكلم دحين عن المواد عندنا نظري وعندنا عملي: المواد الاساسية جدا وعدد ساعاتها عالية اولها الانجليزي وحتاخدوا الكتب من الجامعة وعلى حسب مستواكم .

ثانيا : مصطلحات طبية ونقلهاMEDICAL TERMINOLOGY 

طبعا دا اول كتاب حتشتروه وتبغوا نصيحة بدل ماتشتروا الكتب خدوها من احد تعرفوا في سنوات الي قبلكم افضلكم 

طبعا دا كتاب ابتدائي يشرح المصطلحات الطبية الي يتعاملوا فيها في مستشفيات ومن افضل المواد الي حتدرسوها وغالبا يكون كلاسها مع كلاس الانجليزي 

ثالثا: حتدرسوا فيزياء طبية (physics): الفيزياء طبعا بنسبالي مادة غليسة حبتين بس تعتمد عن الانسان الي يدرسكم هيا وبصراحة دكاترة البترجي في الفيزياء ابداع .

رابعا : الكيمياء(chemistry) الكمياء حتكون شوية متعبة للبعض بس جدا مسلية وتشمل الدراسة العملية يعني حيكون فيها لاب لتجارب 

٥- الرياضيات (MATH )طبعا الكل او تلات ارباعنا نكره الرياضيات بس رياضيات البترجي واو يعني كلو طب في طب . يعني كم مقدار الادوية وكيف تكتب روشيته وما الى دالك يعني شي مسلي جدا ومع دكتورة اسمها سلوى ابداع لابعد حد .

٦- احياء (BIOLOGY)  مادة خرافية وحتنبسطوا فيها يعني مح يكون فيها شي جديد عن الثنوي ابداوتشمل الدراسة العملية يعني حيكون فيها لاب لتجارب .

7- ISLAMIC مادة تتكلم عن نشأة الطب في الاسلام ومن افضل الاطباء ايام بداية الاسلام وتدرسها دكتورة دعاء ومن ارقى الدكاترة .

8-(ARABIC )اللغة العربية  طبعا الكل يعرف اللغة العربية قواعد واعراب وتدرسها نفس الدكتورة دعاء .

9-كمبيوتر (computer) طبعا دي عملية بحته حتروحوا معمل اللاب وتاخدوا دروسكم 

كلكم حتقولوا طيب فين الكتب حق المواد التانية غير المدكل والانجليزي ببساطة كل شي سار مسهل الدكاترة حيعملولكم سلايدات عرض وتدرسوا منها. ملخصة من كتب عشان تسهل عليكم وانتوا ماعليكم الا تطبعوها .

نجي كيف نزاكر ودا الشي الي لازم تركزوا عليها مرة كتير فوق ماتتخلوا لانوا المذاكرة حتختلف عن مذاكرة الثنوي جدا جدا 

لانوا كل الاعتماد كلو عليكم ٩٠% و١٠% الباقية على الدكاترة .

طريقة المذاكرة :

١- لمن يدخل الدكتور ابدا ابدا لاتشغلوا نفسكم بشي لانوا غالبا الشي الي انشرح هوا الي جي في اي اختبار 

٢- اشتروا دفاتر وابدوا اكتبوا مع الدكتور او الدكتورة اي كلام ينقال وبعض الاحيان الدكتور او الدكتورة تتعمد تعيد المعلومة فافهموا منها انوا دي معلومة جدا جدا مهمة ودونها 

٣- حاول تكون سريع في الكتابة عشان تلحق مع الدكتور او الدكتورة 

٤- ابدا ابدا لاتنحرجوا لو في شي منتوا فاهمينوا لا اسالوا اي سوال يجي على بالكم 

٥- اذا منت فاهم شي او منتي فاهمة شي اطلبوا من الدكتوراو الدكتورة ترجع تعيد الشرح لين ماتفهموا لو الف مرة وصدقوني مح يقصروا معاكم ابدا ابدا 

٦- اول ماترجع البيت تريح شوية يعني تاكل تنام الشي الي تبغى تسوي واحرص انوا جدولك يكون مرتب يعني تنظيم الوقت من اهم الاشياء

٧- بعدين بعد مارتحتوا لازم تراجعوا الي انتوا كتبتوا وذاكروا اول باول المذاكرة اول باول والله اساس النجاح في الطب لاتراكموا ابدا 

مانكر ايام الاختبارات حتقولوا كيف نلحق نذاكرللاختبار ولا نذاكر عشان مايتراكم حاقلكم ببساطة لو انتوا تذاكروا اول باول مافي حيسير شي صعب تقدروا تلحقوا هنا وهنا وبسهولة 

٨-الاكل الصحي شي مرة مهم انتبهوا لأكلكم 

٩- النوم البدري او المبكر حيساعدكم جدا في الدراسة وتحصيلكم الدراسي 

نجي دحين للاختبارات :

تنقسم لشيئين عندنا final +quiz 

الاختبارات حتكون مرهقه جدا مو صعبة مرهقة لانوا كل كم اسبوع حيكون عندكم اختبار يعني نقلها quize ولحد يضحك عليكم ويقلكم مهي مهمة ترى جدا جدا مهمة  ودرجاتها حتفيدكم مرة مرة كتير فركزوا عليها وغالبا تكون ب ١٠ درجات بس .

اما بالنسبة للفاينل حيكون عبال عن اسئلة msq+ اسئلة كتابية تكون ختاما للاختبار وعلى الاختبار ٤٥ درجات 

نجي دحين لشي المهم جدا جدا جدا جدا لابعد حاجة ((((الانضباط والسلوك )))

عشان تكون دكتور او دكتورة ناجحة اهم شي الانضباط ودا الشي هوا الي نعتبروا راس مالكم في الطب يعني محاضرتكم تبدا ٨ انتوا ٧ ونص لازم تكونوا في الكلية لانوا بعض الدكاترة حيقلولكم ترى يسمح التاخير ٥ دقايق وبعدها غياب والغيابات مهمة جدا ليش لانوا في حال زادت غياباتك حتنحرم من الاختبارات النهائية عشان كذا قلتلكم الانضباط اهم عامل 

نجي بعد كذا لألتزام : الالتزام لازم يكون سلوكيا و يكون شكليا يعني شرط انوا البنت لازم تكون على طول بطرحتها في حال كان الي يدرسها دكتور او في حضرة الرجال دا شي الي قال عنوا الاسلام مو بس الكلية بالإضافة الى الزي الرسمي الموحد لطلاب وحاتكلم في دا بعد شوية واختلاف الالوان لكل تخصص يعني بلاشي البس لجنز وجنز  لانوا احنا جايين نتعلم فنلتزم لانوا بداية التزامك بداية طريقك 

والالتزام في سلوك يعني انتوا لازم تحترموا الطلاب الباقين لو ايش كانت جنسيتهم او عرقهم او اي شي ولازم تحترموا دكاترتكم لو ايش عملوا ولو شفتوا منهم اسائه او ظلم ارجعوا للمسوول حق الفصل او الكلاس حقكم وحيكون لكل كلاس شخص مسوول يقدر يتصرف في الامور دي 

 يعني تكونوا خلوقيين لانوا الطب اخلاف قبل ماتكون مهنة 

نجي لشي الي يحمس حتقولوا ماجبتي سيرة البريك لكل تخصص يختلف وقت البريك حقهم في ناس ساعة في ناس نص وفي ناس اقل على حسب الجدول حيكون البريك وغالبا البريك يكون وقت الصلاة عشان الكل يقدر يصلي 

نجي اخر شي نتكلم عن الزي الرسمي وطبعا يختلف من تخصص لتخصص ومن كلية لاخرى عندنا في كليتنا الجميلة الزي الرسمي عبارة عن سكراب تختلف الوانوا حسب التخصص .

الطب البشري 

السنة التحضيرية 

طب الاسنان 

الصيدلة 

العلاج الطبيعي 

التمريض 

,وطبعا فوق دا كلو لازم اللاب كوت اهم شي 

ونجي وانتوا بكرامة الجزم دا شي مهم يعني بليز بليز بعدوا عن الكعب والطنقرة لازم تكونوا لابسين جزم رياضية عشان لمن تدخلوا لابات لو انكب شي ماتنحررقوا او اي شي لاسمح الله يعني حماية ليكم قبل ماتكون اي شي تاني 

ختاما حابة اقلكم السنة التحضيرية سنة تأسيس ليكم تكتشفوا نفسكم فيها لانكم حتكونوا خرجتوا من عالم لعالم اخر فحاولوا تخلوها سنة تغير للافضل وسنة تكونوا فيها ناس مختلفين وتخدموا فيها بلدكم واهلكم ودينكم قبل اي شي في الكون وتبنوا سمعة طبية مهنية كويسة ليكم واذا احد احتاج اي شي اعتبروني اخت ليكم واسالوا عن اي شي حابين تسالوا عنوا وانا حاضرة

 تحياتي :ناريمان شملان